ارمنستان فلسطین په رسمیت وپېژنده
العربیه رسنۍ خبر ورکړی، چې د جمعې په ورځ د ارمنستان د بهرنیو چارو وزارت په یوه بیان کې ویلي، ارمنستان په رسمي ډول د فلسطین دولت په رسمیت وپېژاند.
ارمنستان وروسته له هغې دا اقدام وکړ، چې څه موده وړاندې په غزې کې د جګړې له دوام سره هم مهاله ایرلنډ، نروژ او اسپانیا د فلسطین حکومت د رسمیت پېژندلو اعلان وکړ.
دا په داسې حال کې ده، چې له فلسطین څخه د ملاتړ په موخه د روان کال مۍ میاشت کې د ملګرو ملتونو عمومي اسامبلې د ۱۹۳ غړو هېوادونو له لوري ۱۴۳ هېوادونو په ملګرو ملتونو کې د فلسطین غړیتوب ته مثبته رایه ورکړه.
