کاناډا کې د یوه بریدګر ډزو کې د یوې ښځې په ګډون درې تنه وژل شوي
د کاناډا امنیتي چارواکو ویلي، ټورنټو ښار کې د یوه بریدګر په ډزو کې د یوې ښځې په ګډون درې تنه وژل شوي دي.
رویټرز خبري اژانس وايي، پېښه د ورځنۍ پاملرنې یوه مرکز ته څېرمه په یوه دفتر کې شوې ده.
دغې سرچينې په دې اړه نور جزئيات نه دي ورکړي، خو په دې وروستيو کې د لوېديځو هېوادونو ښارونو کې د سپکو او درنو وسلو په بريدونو کې د پام وړ زياتوالى راغلى دى.
