د اسرائیلو پر وړاندې د حماس جګړه بریا ته نږدې شوې، د اسراییلو لومړي وزیر د جنګ کابینه منحل کړه
د صهیونیسي رژيم چارواکو او پوځ ترمنځ د ناندریو په زیاتېدو سره د اسرائیلو لومړي وزیر بنیامین نتنیاهو د جنګ کابینه منحل کړه.
یوه اسرائیلي چارواکي تېره ورځ سي ان ان ټلوېزیون ته ویلي، چې نتنیاهو د اسرائیلي چارواکو ترمنځ د اختلافونو زیاتېدو له کبله د جنګ کابینه لغوه کړې.
دا په داسې حال کې ده، چې یوه اونۍ وړاندې د اسرائیلو د جنګ کابینې یوه غړي بیني ګانټز له خپلې دندې استعفا وکړه.
نوموړي تر استعفا وروسته ویلي و، چې نتنیاهو د غزې جګړه کې له ماتې سره مخ دی.
