ترکیې ته ۱۱۰۰ مټریک ټنه معدني ډبرې صادرې شوې
د اوسپنې پټلۍ ادارې خبر ورکړی، چې د روزنګ اوسپنې پټلۍ ادارې له لوري ترکیې هېواد ته ۱۱۰۰ مټریک ټنه معدني ډبرې صادري شوې دي.
د هرات اوسپنې پټلۍ رئیس مفتي محمدنسیم محمدي ویلي، د روزنک اوسپنې پټلۍ له لارې به په لومړیو کې د سوداګریزو توکو لېږد رالېږد په ورځني ډول یو قطار وي او د سوداګریزو توکو حجم ته په کتو به یې کچه لوړه شي.
په دغو صادراتو کې د تالک معدني ډبرې هم وې، چې د ترکیې مرسینګ ښار ته صادرې شوې.
د یادونې ده، چې په هیواد کې د اسلامي امارت له بیا واکمنېدو را وروسته دا لومړی ځل دی، چې د روزنک اوسپنې پټلۍ له لارې صادارت ترسره کېږي.
