اسلامي امارت پر غزې د اسرائیلي بریدونو بیا پیل په کلکه غندلی
د افغانستان اسلامي امارت پر غزې د اسرائیلي اشغالګرو بریدونو بیا پیل په کلکو ټکو غندلی دی.
د بهرنیو چارو وزارت خپره کړې اعلامیه کې ویل شوي، چې اسلامي امارت د صهیونیستانو روان وحشت په تر ټولو کلکو ټکو غندي او د سملاسي درېدو غوښتنه يې کوي.
د حمـ.اس او اسرائیلي اشغالګرو تر منځ رامنځته شوی اوربند تېره ورځ په ځايي وخت ۷ بجې پای ته ورسېده، چې ورسره اسرائیلو یو ځل بیا په غزې درنې بمبارۍ او ځمکني بریدونه پیل کړل.
