د ریاست الوزراء سیاسي مرستیال مولوي عبدالکبیر په ننګرهار پوهنتون کې د اقلیمي بدلون په نړیوال کنفرانس کې ویلي، ملګري ملتونه دې د اقلیمي بدلون په برخه کې په کاغذ لیکلي هوکړې عملي کړي.

 سیاسي مرستیال مولوي عبدالکبیر په اوسنيو شرایطو کې د اقلیمي بدلون په اړه دغه کنفرانس مهم بللی، چې نړیوال به په دې برخه کې خپلو مسئولیتونو ته متوجه کړي. 

ښاغلي عبدالکبیر زیاته کړې، اسلامي امارت هم هڅه کوي، چې د اقلیمي بدلون په برخه کې خپل مسئولیت په ښه ډول ادا کړي او له خلکو غوښتنه کوي،چې د چاپيریال ساتنې ته ځانګړې پاملرنه وکړي. 

په ورته مهال ښاغلي عبدالکبیر له نړیوالو غوښتي، چې د اقلیمي بدلون د زیانونو مخنیوي لپاره له افغانستان سره مرسته وکړي. 

ښاغلي عبدالکبیر دغه راز هغو کسانو په وړاني د جدي اقداماتو ګواښ کړی، چې د هیواد په لرې پرتو سیمو کې د ځنګلونو د پرېکیدو او ورته د اور اچولو په پېښو کې ښکیل وي.