د ایران مذهبي مشر ایت الله علي خامنه اي هغه څرګندونو ته چې ایران دې امریکا سره د خبرو اترو له لارې ستونزې حل کړي په غبرګون وايي، دا خلک ظاهر بین دي خو د موضوع باطن هغه څه دی چې امریکا یې غواړي.

خامنه اي زیاته کړې، امریکا غواړي د ایران حکومت او پوځ یې امرونو ته غاړه کېږدي.

تسنیم اژانس وايي، د ایران مذهبي مشر دغه څرګندونې نن سهار عامو خلکو ته د یوې سترې ولسي ناستې په مهال وکړې.

هغه د امریکا دې ډول غوښتنو ته په اشارې ویلي، ایرانيان د دا ډول غوښتنو منونکي نه دي او په وړاندې یې کلکه مبارزه کوي.

په ټوله کې باور دا دی، چې امریکا د خپلو موخو ترلاسه کولو لپاره پر ټولو هغو هېوادونو چې غواړي تر بریدونو لاندې یې روالي تر جګړې وړاندې نه منونکي شرایط وړاندې کړي او هڅه کوي جګړه کې له ملامتیا ځان وباسي.