د ایران دفاع وزیر امیر نصیرزاده وايي، تېره ۱۲ ورځنۍ جګړه کې د دوی له لوري پر اسرائیلو توغول شوي توغندي د څو کلونو پخواني و.

هغه وايي، که بیا پرې برید وشي د دې وزارت له لوري جوړ شوي د نوي نسل توغندي، چې وړتیا یې د هغو په پرتله پیاوړې ده وکاروي.

تسنیم اژانس وايي، نوموړي دا څرګندونې د دفاعي صنعت غونډه کې تازه کړې دي.

هغه تېره جګړه کې د بهرنیو وسلې کارول رد کړي او ټینګار یې کړی، چې نړۍ اسرائیلو ته په تېره جګړه کې د اوښتي زیان په اړه ښه پوهېږي.

دا په داسې حال کې ده، چې اسرائیلي چارواکو په وروستیو څرګندونو کې پر ایران خاوره د بیا برید کولو خبر ورکړی دی.