د اسلامي امارت مرستیال ویاند ملا حمدالله فطرت افغانستان کې د سراسري امنیت ټینګښت په اړه د ایران بهرنیو چارو وزیر سیدعباس عراقچي د خبرو هرکلی کړی.

ښاغلي فطرت ویلي، د ایران بهرنیو چارو وزیر وروستۍ څرګندونې د افغانستان واقعیتونو په اړه د ایران سم درک ښيي.

نوموړي زیاته کړې، دا یو وقعیت دی چې افغانستان کې واحد حاکمیت حاکم دی او د هېواد په ټوله جغرافیه بشپړ حاکمیت لري.

دغه څرګندونې داسې مهال مطرح کیږي، چې تر دې وړاندې د ایران بهرنیو چارو وزیر سید عباس عراقچي ویلي و، چې تېرو درېیو کلونو کې په افغانستان کې بشپړ امنیت تامین شوی او دا مهال اسلامي امارت د افغانستان په ټوله خاوره پوره حاکمیت لري.