کرمان کې د چادونو په تړاو امنیتي ادارو ۳۲ کسان نیولي دي
تسنیم د ایران دولتي خبري آژانس ویلي، چې د تیرې چهارشنبې ورځې چاودنو په تړاو امنیتي ادارو ۳۲ کسان نیولي دي.
په همدې حال کې ایراني رسنیو زیاته کړې، چې په دې چاودنو کې ۹۱ کسان وژل شوي او په ټوله کې ۳۶۸ کسه نور ټپیان دي.
د یادونې وړ ده، چې له یادو چاودونو یوه ورځ وروسته د داعشي خوارجو ډلې د دې برید مسؤولیت ومانه او ایراني چارواکو وویل، چې امریکا او اسرائیل په سیمه کې د داعشي خوارجو او نورو تروریستي ډلو ملاتړ کوي.
