افغانستان اوس پانګونې ته تر بل هر وخت مناسب دی
دافغانستان دفاع وزیر مولوي محمد یعقوب مجاهد د کار ملي کنفرانس په دویمه ورځ پر سوداګرو او پانګوالو غږ وکړ چې افغانستان کې پانګونه وکړي.
ښاغلي مجاهد وویل، کاري فرصتونو برابرول د اسلامي امارت لومړیتوب دی او په دې برخه کې یې له تېرو نږدې درېیو کلونو پوره کار کړی دی.
دفاع وزیر په افغانستان کې د بېکارۍ عوامل د تېرو څو لسیزو جګړه په ګوته کړه خو په عین حال کې یې وویل، افغانستان اوس د ډاډمن امنیت له پلوه پانګونې لپاره مناسب هېواد دی.
نوموړي پانګوالو ته له امنیتي پلوه ډاډ ورکړ او له سوداګرو یې وغوښتل چې خپلو خلکو لپاره کاري زمینه برابره کړي.
