د نظام مخالفین دې له عمومي عفوې په ګټې اخیستنې له خپلو وروڼو سره یو ځای شي
د اسلامي امارت رئیس الوزراء ملا محمدحسن اخوند د لوی اختر لمانځه اداکولو مراسمو کې ویلي، مسئولین او مجاهدین دې په ادب او درناوي له خلکو سره چلند وکړي.
ملا محمد حسن اخوند په خپلو خبرو کې له شتمنو غوښتي، چې د اختر مبارکو شپو او ورځو کې له یتیمانو، کونډو او بې سرپرسته کورنیو سره مرسته وکړي.
نوموړي په کور دننه او بهر د نظام په مخالفینو هم غږ کړی، چې له مخالفته دې لاس واخلي او له عمومي عفوې په ګټې اخیستنې دې له خپلو وروڼو سره یو ځای شي او ارام ژوند دې غوره کړي.
