د اوبو مدیریت او انرژۍ برخه کې د ګڼو پروژو چارې بشپړې شوې دي
د اوبو او انرژۍ وزارت مسئولینو د امارتي ادارو یو کلنو لاسته راوړنو تشرېح پروګرام کې وویل، د اوبو او انرژۍ برخه کې د ګڼو پروژو چارې بشپړې شوې او ګڼې نورې به ډېر ژر بشپړې شي.
د اوبو او انرژۍ وزیر ملا عبداللطیف منصور وایي، د هغو حیاتي پروژو بشپړولو لپاره یې بودیجه پیدا کړې چې له تېرې ادارې یې کارونه نیمګړي پاتې شوي وو او ګڼې یې بشپړې شوې هم دي.
