د لوړو زده کړو وزارت په رهبرۍ د اقلیمي بدلون درې ورځنی نړیوال کنفرانس تېره ورځ د ننګرهار په پوهنتون کې پيل شو، چې پکې کورنیو او بهرنیو د چاپیریال ساتنې متخصیصینو په افغانستان کې د اقلیمي بدلون د اغیزو په اړه خپلې مقالې وړاندې کړي. د دې کنفرانس په وروستۍ ورځ به یوه طرحه هم چمتو او له لوړو زده کړو وزارت سره به په افغانستان کې د اقلیمي بدلون د منفي اغیزو او ورته د حل لارو چارو د لټولو په موخه شریکه شي.