د سویلي کوریا خونړۍ اورلګېدنه کې د مړو شمېر ۲۶ تنو ته لوړ شو
د سویلي کوریا چارواکو په جنوب ختیځ ځنګلونو کې څو ځایه لګېدلی اور تر ټولو سخت بللی دی او تازه یې د ۲۶ کسانو د وژل کېدو خبر ورکړی دی.
الجزیرې انګلېش لیکلي، لګېدلي اور تر دې دمه ۸۲ زره جریبه ځمکه سوځولې او د مهار لپاره یې شاوخوا ۱۲۰ چورلکې مبارزه کوي.
چارواکي وایي، اور د تېرې جمعې په ورځ وروسته له غرمې د سانچیونګ په سیمه کې ولګیداو وروسته له هغې نورو سیمو ته خپور شو.
چارواکو څه باندې ۳۰ زره کسانو ته د کورونو پرېښودو امر کړی.
سرچینه زیاتوي، تر اوسه د اورلګېدنې لامل نه دی روښانه شوی.
