د حکومت د اطلاعاتو او رسنیو مرکز خبر ورکړی، چې کندهار کې د افغانستان ځان بسیاینې د زرغون انقلاب لومړی نړېوال کنفرانس د بهرنیو څېړونکو، کارپوهانو، صنعت کارانو او د کابینې یو شمېر غړو په ګډون پیل شو.

ویل کېږي دې کنفرانس کې د هند، کاناډا، پاکستان، نایجریا، ټایلنډ، قطر، بنګله دېش، مصر، ترکیې او ایران څېړوونکي برخه لري.

د اسلامي امارت ویاند مولوي ذبیح الله مجاهد دې کنفرانس ته په خپله وینا کې ویلي، د افغانستان زراعت په کلاسیکه بڼه دوام لري او دې برخه کې مثبت تغییرات یې مهم بللي دي.

د لوړو زده کړو وزارت علمي معین دوکتور لطف الله خیرخواه د کرنېزې ودې لپاره دا ډول کنفرانسونه مهم بللي او د دې پروسې د دوام غوښتنه یې کړې.

دغه کنفرانس به درې ورځې دوام وکړي.