ملګري ملتونه خپلې ۴۲ سلنه پروژې پراختیايي برخې ته ځانګړې کوي
افغانستان کې د ملګرو ملتونو د خوړو او کرنې رئیس ریچارډ ټرینچارډ د هېواد کرنې اوبو لګولو او مالدارۍ مرستیال وزیر مولوي صدراعظم عثماني سره کتنه کې ویلي، راتلونکی کال به خپلې ۴۲ سلنه پروژې پراختیايي برخې ته ځانګړې کړي.
دې کتنه کې د کرنې وزارت مرستیال اضطراري پروژو پلي کولو اثرات موقتي بللي او له دې بنسټ یې غوښتي، چې د بېړنیو پروژو ترڅنګ دې لویي پراختیایي پروژې هم تطبیق کړي.
د ملګرو ملتونو د خوړو او کرنې سازمان یو تخصصي بنسټ دی، چې په نړېواله کچه د لوږې پر وړاندې د مبارزې هڅې رهبري کوي.
