سېلابونو راوتلو د پنجشېر عمومي لار د ترافیکو پر مخ تړلې
د پنجشېر ولایت امینه قومندانۍ وایي، د پنجشېر ولایت عنابه او شتل والسوالیو کې د سېلابونو د راوتلو له کبله د دې ولایت عمومي لار د موټرونو د تګ راتګ پرمخ تړلې.
د امنیه قومندانۍ ویاند عابد الله فاروقي وایي، امنیتي ځواکونو سیمې ته رسېدلي او ډېر ژر به لار د موټرو پر مخ پرانېزې.
نوموړي خبر ورکړی، چې تر دویمې اعلامیې دې خلک پنجشېر ته له سفر کولو ډډه وکړي.
