ځوان استعداد چې ۸۵ ورځو کې یې ټول قرانکریم حفظ کړ!
دا ځوان حافظ د کابل شکر درې ولسوالۍ اوسېدونکی دی چې د «جامعه فتح العلوم کابل» دیني مدرسه کې یې ټول قرانکریم په ۸۵ ورځو کې حفظ کړی.
د کابل ولایت مقام ویلي، د دې لوړ استعداد څښتن حافظ عبدالحق نومېږي چې د دیني زده کړو تر څنګ عصري زده کړې هم کوي او د لسم ټولګي زده کونکی دی.
د کابل والي الحاج ملا امین الله عبید تېره ورځ د حافظ عبدالحق لپاره ستاینغونډه جوړه کړې وه چې د دیني علماوو سربېره پکې د هغه د کورنۍ غړو هم ګډون کړی وو.
کابل والي له قاري عبدالحق غوښتي چې د قرآنکریم په زده کړه کې دې له نورو ماشومانو سره مرسته وکړي.
ولایت مقام دغه ځوان قاري ته د هر ډول امکاناتو برابرولو ډاډ ورکړی او هغه ته یې د لا زیاتو علومو د حاصلولو سپارښته کړې.
