د شاوخوا ۸۰ میلیارد افغانیوپه ارزښت ۲۹۰ پروژې منظورې شوې
د ریاست الوزراء اقتصادي معاونیت خبر ورکړی، چې د ملي تدارکاتو کمېسیون له جوړېدو بیا تر دې مهاله د شاوخوا ۸۰ میلیارد افغانیو په ارزښت ۲۹۰ بېلابېلې پروژې منظورې شوې دي.
د اقتصادي معاونیت د معلوماتو له مخې، دغه پروژې د زېربنا، کلیو پراختیا، ټرانسپورټ، روغتیا، اوبو مدیریت، کرنې، مخابراتو او نورو برخو کې منظورې شوې دي.
د دې ۲۹۰ پروژو، شاوخوا ۸۰ میلیارد افغانۍ لګښت د اسلامي امارت له بودیجې ورکول کیږي.
یاد معاونیت تر دې وړاندې هم خبر ورکړی، چې روان کال کې یې په بېلابېلو برخو کې ۱۶ سترې پروژې پیل کړې دي.
